Ինչպե՞ս է փոխանցվում ՄԻԱՎ-ը
Վարակվելու համար բավարար քանակով ՄԻԱՎ պարունակում է օրգանիզմի միայն որոշակի հեղուկներում: Դրանք են՝
- - արյունը,
- - սերմնահեղուկը,
- - հեշտոցային արտազատուկները,
- - կրծքի կաթը:
Վիրուսն առկա է նաև օրգանիզմի այլհեղուկներում (մեզ, թուք, քրտինք), սակայն դրանք վտանգավոր չեն վարակման տեսանկյունից, քանի որ դրանցում ՄԻԱՎ-ի խտությունը շատ ցածր է:
ՄԻԱՎ-ը փոխանցվում է՝
- - Արյան միջոցով՝ թմրամիջոցների ներարկային օգտագործման ժամանակ, չախտազերծված ներարկիչներ, ասեղներ, - բժշկական պարագաներ օգտագործելիս,
- - ՄԻԱՎ վարակ ունեցող մորից երեխային՝ հղիության ընթացքում, ծննդաբերության ժամանակ, կրծքով կերակրելիս,
- - Սեռական ճանապարհով՝ առանց պահպանակի սեռական հարաբերությունների ժամանակ: