«Իրական Աշխարհ,Իրական Մարդիկ» ՀԿ-ը շարունակում
է նպաստել տարբեր կենտրոնների
մասնագետների վերապատրաստմանն ու կարողությունների զարգացմանը՝ ՄԱԿ-ի ՄԻԱՎ/ՁԻԱՀ
միացյալ ծրագրի շրջանակում իրականացվող
«ՄԻԱՎ-ով
ապրող և ԹՆՕ կանանց
նկատմամաբ գենդերային
հիմքով բռնության
դեմ հակազդում
ՀՀ-ում» ծրագրի միջոցով: Հերթականը օգոստոսի
19-ին էր, որին ներկա էին «Առաքելություն Հայաստան» բարեգործական հասարակական կազմակերպության՝
սոցիալական աշխատողները, հոգեբանները, բժիշկներն ու բուժքույրերը: Դասընթացավարները
«Իրական Աշխարհ, Իրական Մարդիկ» ՀԿ-ն մասնագետներն էին՝ ծրագրի ղեկավար Նաիրուհի
Սաֆարյանը, հոգեբան Աննա Աբգարյանն ու սոցիալական աշխատող Մարգարիտա Պողոսյանը, ինչպես նաև ԿԲԱԿ-ի սոցիալական աշխատող Մարիամ
Մկրտչյանը:
Հանդիպմանը մասնակիցների ուշադրությանը ներկայացվեց թմրամիջոցներից կախվալություն ունեցող
անձանց հետ տարվող աշխատանքը, ՄԻԱՎ/ՁԻԱՀ ընդհանուր
հիմունքները, ԹՆՕ կանանց հետ աշխատանքի, ՄԻԱՎ-ով ապրող անձանց հետ հոգեբանական աշխատանքի,
ինչպես նաև սոցիալական աշխատանքի առանձնահատկությունները: Դասընթացն ավարտվեց մասնակիցների
ու դասընթացավարների հարցուպատասխանով: