ՄԻԱՎ-ի վերաբերյալ գիտելիքը միայն բժշկական տեղեկատվություն չէ այն նաև որակյալ, անվտանգ և առանց խտրականության առողջապահական ծառայությունների հիմքն է։ «Աշխարհի բժիշկներ» Médecins du Monde Armenia կազմակերպության աջակցությամբ իրականացրել ենք մասնագիտական դասընթաց՝ Հայաստանում գործող երրորդ մակարդակի ծննդատների 30-ից ավելի մասնագետների մասնակցությամբ։ Դասընթացի ընթացքում քննարկվեցին՝

- ՄԻԱՎ-ի բուժման և կանխարգելման ժամանակակից մոտեցումները
- U=U սկզբունքը
- ՄԻԱՎ-ի փոխանցման և կանխարգելման ուղիները
- ՄԻԱՎ-ով ապրող կանանց և հղիների բժշկական առանձնահատկությունները
- հղիության պլանավորումն ու հղիության ընթացքում անհրաժեշտ մոտեցումները
- մորից երեխային ՄԻԱՎ-ի փոխանցման կանխարգելումը։

Քննարկվեց նաև թմրամիջոցներ գործածող կանանց առողջապահական կարիքների և նրանց հետ աշխատանքի առանձնահատկությունների թեման՝ կարևորելով անհատականացված, ոչ խտրական և մարդակենտրոն մոտեցումը։ Մասնագիտական գիտելիքը կարող է փոխել ոչ միայն բժշկական պրակտիկան, այլև ՄԻԱՎ-ով ապրող մարդկանց նկատմամբ վերաբերմունքը։