«Երիտասարդների շրջանում ՄԻԱՎ-ի կանխարգելում հավասարակիցների ներգրավմամբ» խորագրով դասընթաց ապագա բուժաշխատողների համար

Հոկտեմբերի 22-ին և 23-ին «Իրական Աշխարհ, Իրական Մարդիկ» ՍՀԿ-ում հյուրընկալեցինք Արարատի պետական բժշկական քոլեջի ուսանողներին։ Երկօրյա դասընթացի նպատակն էր զարգացնել մասնակիցների գիտելիքներն ու հմտությունները ՄԻԱՎ-ի կանխարգելման, բուժման և ՄԻԱՎ-ով ապրող մարդկանց աջակցության վերաբերյալ, ինչպես նաև փոխանցել կարևոր տեղեկատվություն ԹՆՕ անձանց և Տուբերկուլոզ (ՏԲ) ունեցող մարդկանց հետ աշխատանքի մասին։

Դասընթացի ընթացքում քննարկվեցին մի շարք կարևոր թեմաներ՝

- ՄԻԱՎ-ի մասին տարածված միֆերը,

- Ի՞նչ անել, երբ մարդը տեղեկանում է իր ՄԻԱՎ կարգավիճակի մասին,

- Ինչպե՞ս աջակցել ՄԻԱՎ-ով ապրող մարդկանց և խուսափել խտրական վերաբերմունքից,

- Հոգեբանական մոտեցումներ և աշխատանքի առանձնահատկություններ տարբեր շահառուների հետ,

- ԹՆՕ անձանց հետ աշխատանքի առանձնահատկությունները,

- ՏԲ-ի առանձնահատկությունները և ազդեցությունը մարդու կյանքի որակի վրա։

Բովանդակալից քննարկումներն ու գործնական աշխատանքները նպաստեցին մասնակիցների տեղեկացվածության և կարողությունների բարձրացմանը՝ ուղղված ներառական ու խտրականությունից և խարանից զերծ միջավայրի ձևավորմանը։

Դասընթացը վարում էին «Իրական Աշխարհ, Իրական Մարդիկ» ՍՀԿ-ն մասնագետները՝ սոցիալական աշխատողներ Անի Թերզյանը, Մարիամ Կարապետյանը և Լարիսա Հարությունյանը,  հոգեբան Տաթև Նալբանդյանը, խոհրդատու Լերա Ռոստրիպան և աութրիչ աշխատակիցների համակարգող Սարգիս Ավետիսյանը։