Դեմ առ դեմ հանդիպման նպատակն էր քննարկել և փորձի փախանակում իրականացնել ՄԻԱՎ-ով ապրող միգրանտների համար ծառայությունների մատուցման կոնտեքստում: Հանդիպմանը ներկա էր նաև Միգրանտների առողջության տարածաշրջանային փորձագիտական խմբի ներկայացուցիչ Կիրիլ Բարսկին, ով իր հերթին խոսեց ՄԻԱՎ ունեցող օտարերկրյա քաղաքացիների բուժման ոլորտում համակարգված լուծումների և Արևելյան Եվրոպայի ու Կենտրոնական Ասիայի տարածաշրջանի փորձի մասին: Այնուհետև իրավաբան-փորձագետ Վաղինակ Տեր-Հովհաննսիյանը մասնակիցների ուշադրությանը ներկայացրեց՝ «ՀՀ-ում միգրանտների շրջանում ՄԻԱՎ-ով պայմանավորված ծառայություններից օգտվելու իրավական և ինստիտուցիոնալ խոչընդոտների վերլուծություն» հետազոտությունը, որին հաջորդեց քննարկում և հարցուպատասխան: Հանդիպմանը ներկա էր նաև ՀՀ ԱՆ Ինֆեկցիոն հիվանդությունների ազգային կենտրոնի ամբուլատոր կլինիկայի ղեկավար, բժիշկ-վարակաբան Հերմինե Հովակիմյանը, ով ներկայացրեց ՀՀ-ում միգրանտներին ՄԻԱՎ-ի նկատմամբ խնամքի տրամադրման գործընթացի մանրամասները, ոլորտի մարտահրավերները, ձեռքբերումներն ու անհրաժեշտ գորղծությունները:

Հանդիպմանը քննարկվեց նաև տարածաշրջանի մի շարք երկրների փորձը ՄԻԱՎ-ի հեռավար ախտորոշում և բուժում իրականացնելու փորձը: ՀՀ ԱՆ ներկայացուցիչներն իրենց հերթին պատրաստակամություն հայտնեցին ուսումնասիրել հեռավար ախտորոշում և բուժում իրականացնելու մեխանիզմը և առաջիկայում նպաստել նաև դրա ներդրմանը ՀՀ-ում: