Դեկտեմբերի 9-ին ՄԱԿ-ի հայաստանյան գրասենյակում ՄԱԿ-ի ՄԻԱՎ/ՁԻԱՀ միացյալ հարցերի ծրագրի գրասենյակը նախաձեռնել է դասընթաց ՀՀ Մարդու իրավունքների պաշտպանի գրասենյակի անձնակազմի համար։ Հանդիպման հիմնական թեմաներն էին՝ ՄԻԱՎ, ՀՌվ բուժման նորարարական մոտեցումները և կանխարգելման ռազմավարությունները, խարանը և խտրականությունը ՄԻԱՎ-ով ապրող անձանց նկատմամբ, ՄԻԱՎ-ի ոլորտի իրավակարգավորումները, օրենսդրական և գործնական բացերը։

Դասընթացը վարում էին «Իրական Աշխարհ, Իրական Մարդիկ» ՍՀԿ-ի անձնակազմը՝ նախագահ Ժենյա Մայիլյանն ու իրավաբան-փորձագետ Վաղինակ Տեր-Հովհաննիսյանը։

Հանդիպմանը նաև քննարկվեց «Մարդու իրավունքների պաշտպանի 2023 թվականի գործունեության, մարդու իրավունքների և ազատությունների պաշտպանության վիճակի մասին զեկույցում» առկա բացերը՝ ՄԻԱՎ-ի և ՁԻԱՀ-ի թեմայի շրջանակում։